 |
| El Diañu Burlón |
El Diañu Burlón ye un ser de la mitoloxía asturiana, anque
tamién existe n'otres partes del norte d'España y en dellos llugares d'Europa.
Ye un diañu que casi siempre se presenta disfrazau d'animal
y el so oxetivu ye gastar bromes y chances más o menos pesaes a los habitantes
de los pueblos y aldees, na cultura popular asturiana hai múltiples hestories,
cuentos y leyendes relativos al Diañu Burlón.
Esti cuentu cuntarenmelu a mi va munchos años en Villaescusa persones yá
sumíes de les que guardo buenes alcordances
Cunta lo que-y paso a un paisanu que tornaba a Villaescusa
dempués d'asistir al mercáu selmanal de los xueves en Colunga.
Esti home que-y gustaba aprovechar bien el día subía al escurecer escontra Villaescusa pel camín del Roblón.
Al llegar cerca del llugar llamáu La Indiana, vio de lejos
daqué de color blancu que se movía a la vera del camín, según se fui averando
pudo comprobar que se trataba d'un pequeñu corderu que paecía tener una pata
rota.
Pensando que seria de dalgún vecín del pueblu, cogiolu, echolu al llombu y continuo xubiendo
escontra'l pueblu, pero l'animal cada vez se diba faciendo mas y mas pesáu
llego un momentu que l'home yá nun podía soportar la carga.
Párose un momentu y disponíase a dexar el corderu nel suelu
pa descansar un pocu, cuando de sópitu noto'l so llombu totalmente moyau, coles
mesmes que l'animal dio un saltu y alejose camín alantre glayando en medio d’una
risa burlona esta frase:
“Je, Je, Je, que te mexuque, Ji, Ji, Ji, que mexe per
ti”
Nesti momentu fui cuando l'home diose cuenta que fuera victima d'una chanza nesti casu pesada y moyada del Diañu Burlón, esta vez disfrazau d'inofensivu corderu.
No hay comentarios:
Publicar un comentario