01 julio 2012

Villascusa y Santoxenia nos años 50 y 60 del pasau siglu XX

El pueblu de Villascusa que política y administrativamente pertenez al conceyu de Colunga, en tou lo rellacionau cola Ilesia Católica pertenez a la parroquia de Santoxenia  Los Pandos, nel vecín conceyu de Villaviciosa.


Na ilesia de dicha parroquia fueron bautizaos tolos nacíos en Villaescusa, onde tamién celebraron la primer comunión, la confirmación, munchos d'ellos celebraron na ilesia de Santoxenia la ceremonia relixosa de la so boda y nel so campusantu descansen la mayoría de los vecinos de Villascusa yá finaos.
Les relaciones ente la xente de Villaescusa y Santoxenia xiraben sobremanera en redol a les coses  de la ilesia, munchos vecinos de Villaescusa asistíen cada domingo y fiesta de guardar a la misa na ilesia parroquial de Santoxenia, a pesar del mal camín qu'había ente ambos pueblos y que pel inbiernu volvíase pocu menos qu'intransitable. En Santoxenia había un chigre-tienda (Casa Aurelio), onde podía mercase casi de tou, delles persones de Villascusa aprovechando la misa selmanal acercabense a Casa Aurelio pa mercar dalguna cosa que precisaren y tamién  pa tomar dalguna botellina de sidre o algun vasin de vinu.

Al pertenecer a la mesma parroquia, les fiestes de Santoxenia n'honor de La Virxen del Carmen, que se celebren cada 16 de Xulio, eren tamién les fiestes de Villascusa, esi día era tradicional asistir pela mañana  a la misa solemne que celebrabase na ilesia parroquial, siguia de la procesión y de la subasta del ramu, terminaos los actos relixosos  la xente acercabase asta la barraca  pa tomar algo, dempués tornábase a casa onde se celebraba una comida especial en compañía de familiares y amigos y pela tardi y hasta altes hores de la madrugada, asistiase a la gran romería nel prau de la fiesta.

Esto cambio un pocu a principios de los años 60 cuando se construyo en Villascusa la capilla y los sacerdotes de Santoxenia, D. Manuel primero y más tardi D. José Ramón, acercabense a Villascusa cada sábado y celebraben la misa cola xente de Villaescusa en dicha capilla. A partir d'entós empezóse a celebrar en Villascusa cada 8 de Setiembre, la fiesta de Villaescusa, n'honor de Nuesa Señora de Cuadonga, pasando a ser la principal celebración festiva de Villascusa, de toes formes la xente de Villascusa continuo cola tradición d'asistir a les fiestes del Carmen en Santoxenia y a partir d'entós, la xente de Santoxenia tamién asistíen a la fiesta de Villascusa cada 8 de Setiembre.


Más tardi nos años 70 constrúyose la carretera ente Villaescusa y Santoxenia colo que les relaciones fixéronse más fluíes, bien utilizando dalgún tipu de vehículu o bien simplemente caminando, no obstante esta dómina tamién coincidió col despoblamientu masivu de los pueblos, colo qu'habiendo meyores   caminos cada vez había menos xente pa utilizalos.

La fiesta de Villasescusa se celebro por ultima vez en el año 2011, dende esi añu no hay ninguna celebración festiva en Villaescusa, les fiestas del carmen en Santoxenia siguense celebrando cada añu nel mes de xulio.
.
Fiestas del Carmen en Santoxenia, Xulio 2010
Villaescusa y Agüera Riba en los años 50 y 60 del pasado siglo XX

No hay comentarios: